केंद्र सरकारची स्कूटी वाटपाची कोणतीही योजना अस्तित्वात नाही; ६५ हजार रुपये मिळण्याचा दावा असत्य
सध्या सोशल मीडियावर एक मेसेज जोरदार व्हायरल होत आहे, ज्यामध्ये असा दावा केला जात आहे की ‘लाडक्या बहिणींना’ आता दीड हजार रुपये मिळाल्यानंतर सरकार स्कूटीसाठी पैसे देणार आहे. व्हायरल मेसेजनुसार, केंद्र सरकारकडून मोफत स्कूटी योजनेअंतर्गत मुलींना स्कूटर खरेदी करण्यासाठी ६५ हजार रुपये मिळणार आहेत. हा मेसेज मोठ्या प्रमाणात पसरल्यामुळे याची सत्यता तपासणे आवश्यक झाले आहे.
ADS
किंमत पहा
×
सोशल मीडियावरील व्हायरल दावा काय आहे?
या व्हायरल मेसेजमध्ये स्पष्टपणे नमूद केले आहे की, ‘लाडक्या बहिणींना पैशांप्रमाणे आता स्कूटीसाठी पैसे देण्याचा दावा करण्यात आला आहे.’ त्यामुळे ‘मुलींना आता स्कूटी मिळणार’, ‘स्कूटीसाठी पैसे कुणाला मिळणार’ आणि ‘अर्ज कुठे करायचा’ याबद्दल अनेक प्रश्न उपस्थित झाले आहेत. हा मेसेज मोठ्या प्रमाणात फॉरवर्ड केला जात आहे.
